சுகம்

                                    ஆசிரியத் தொழில் -ஆஹா
                                     எத்துணை அழகானது?
                                 
                                     தொழிலா இது ?- இல்லை
                                     தவம் ,தியானம் ,யோகம்

                                     ஆசிரியரைப் பார்க்கையில்
                                      அகம் மகிழ்கிறதென்றால்

                                      ஆசிரியராய் இருக்கையிலும்
                                      அகம் குளிர்கின்றது.

                                     ஏறி வந்த ஏணியினை
                                     எண்ணிப் பார்ப்பதொரு சுகமெனில்,
                                     ஏணியாய் நிற்பது கூட
                                     எந்நாளும் சுகமே!

                                      

அம்மா

                                            எனக்கு உயிர் கொடுத்தவள்

                                           தனக்கு ஏதும் எடுத்திலள்
     
                                           எண்ண எண்ண இனிப்பவள்

                                          எண்ணம் முழுதும் நிறைந்தவள்

                                           நாளும் நம்மைக் காப்பவள்

                                          நலமே என்றும் தருபவள்

                                          தன்னிகரில்லாதவள் என் தாய்

                                         தரம் உயர்ந்த அவளின் சேய் நான்!