வரம்

                     

    பூக்களின்                          

    கருவறை உமது

    பிறப்பிடமோ?

    புன்னகை அதரம் உந்தன்

    சிறப்பிதழோ

      அழகிய வதனம் உந்தன்

      ஆயுசு பரியந்தம்

      உந்தன் பிறப்பே

      எந்தன் சிறப்பு !

      உமது தரம் –இறைவன்

      எமக்களித்த வரம்

.

                     

    

அன்பு,

    அந்த அற்புத ஆற்றலின்

     அழகிய பரிமாணமே,அன்னையே!

இரக்கமே,

      இனிய அன்னையின் இதயப்பிறப்பே,

      ஆதர்ச அன்னையின் அருட்சுரப்பே,

கருணையே,

      காக்கும் அன்னையின் கண்ணிலே

        கனிவெனக் கரைந்து மறைந்தாயோ?

பரிவே,

      பாரில் எங்கோ உதித்திட்டு

        பாரதம் சேர்ந்திட்டது புண்ணியமே!

   தவமும்,யோகமும் நீர்      தனியாய்ச் செய்திடவில்லை-உமது

   
  கர்ம யோகத்தினாலே

  காளி நகரமே கண்ணியமானதே!
    தாய்மையிலே இறைமையாம்

   இறைமையே தாயாக வந்திங்கு

    தன்னிகரற்று விளங்கியது.

     ஆன்மீகவாதிகளின் ஆயிரமாயிரம்

      அறிவுரைகள் எல்லாம்-உந்தன்

    அறப்பணியின் முன்னாலே சற்று

       மாற்றுக் குறைவு தான்.

      நோபல் பரிசால் உமக்குப் பெருமையா?
       நிச்சயம் இல்லை

     உம்மால் தான் அப்பரிசே உயர்ந்தது