குடியரசு

2007 குடியரசு தினத்தன்று பள்ளியில் கொடியேற்றத்தின்போது வாசித்தது.
காட்சிகள் மாறலாம். காலம்?

                                             எமக்குத் தொழில் கவிதை
                                             என்றான் ஏற்றமிகு கவிபாரதி,
                                              எம் தொழிலும்....

                                             பாட்டுத் திறத்தாலே வையத்தையே
                                             பாலித்திட எண்ணிட்டான் பாரதி,
                                             எந்தன் வரிகள்
                                             செவி மடுக்கும் உங்களின்
                                             சிந்தை நிரப்பட்டும்.

                                            மாநிலம் பயனுற வாழும் வல்லமை
                                             கேட்டான் மகாகவி-எம்
                                            மாணவியரின் மனது தொடும்
                                            மணி மந்திரச் சொற்கள் வேண்டி
                                            பைந்தமிழன்னையின் பாதகமலத்தில்
                                           பாமலர் சூட்டுகின்றேன்.

                                          குடியாட்சியிலே,
                                           குதூகலம் கொஞ்சுகிறதா?
                                           குழப்பமே மிஞ்சுகிறதா?

                                         பட்டிமண்டபத் தலைப்பு போல்
                                         உள்ளதா?ஆம்,
                                         நாணயத்தின் இருபக்கத்தைப் போல
                                         குடியாட்சியிலே,

                                         குதூகலமான வாழ்வொரு பக்கம் எனில்
                                         குற்றங்களும் மலிந்திருப்பது
                                         கண்கூடு தானே?

                                        வான்வெளிச் சோதனை பல
                                         வானளாவிய சாதனையாய்!
                                        வீழ்ச்சிப் பாதையில் சென்ற
                                        இரயில்வே துறை கூட
                                        வெற்றிப் பாதை நோக்கி,
                                        இணைந்தது இந்தியா ஒரே ரூபாயில்!
                                         இலவசங்கள் பலப்பல,
                                        கட்சியின் காட்சியாய்!

                                           வளர்ச்சியின் வேகமென்னவோ
                                            வாயு வேகம் தான்!
                                            வீழ்ச்சியும் பாரதத்தைப்
                                            படுகுழியில் தள்ளுகிறதே,
                                            சட்டங்கள் பலவற்றால்-மனிதன்
                                            சங்கடத்தில்,சாக்காட்டிலும்!

                                            குழந்தைகள் குவியல்களாய்,
                                             குவித்திட்ட அரக்கன் கோலாகலமாய்,
                                             அசம்பாவிதங்கள் அன்றாட
                                             சம்பவங்களாய்,
                                            அன்றாட சம்பவங்கள் அல்லல்
                                             நிறைந்ததாய்!

                                            தீர்வு?
                                            ஒன்றே,ஒன்று தான்!
                                             தனிமனித ஒழுங்கு.
                                            கணிப்பொறிச் சாதனைகளாலே
                                             எம் நாட்டுக் கண்மணிகள்
                                             கனவான்களாய்,தனவான்களாய்
                                             இருத்தல் போதாது,
                                             கண்ணியவானாய் இருந்திடல்
                                              வேண்டும்
                                             காத்திடல் வேண்டும்,வளரும்
                                            இந்தியாவை
                                              வல்லரசான இந்தியாவாய்!!

தங்கம்

                                                   உன் மதிப்பு என்றும்
                                                   உயர் மதிப்பே!
                                                   வறுமைப் பிடியினில்
                                                   வருணிக்க வார்த்தையாய்,
                                                   வசதி படைத்தோரிடம்
                                                   வடிவங்கள் பலவாக!!

                                                   அரச போகத்தினருக்கு
                                                  அலங்காரப் பொருளாய்
                                                  அம்மனின் திருக்கழுத்தில்
                                                  அழகுமிகு அணிகலனாய்
                                                   அல்லலுறும் வேளையிலே
                                                    அடகுக்கடை சென்றுவரும்
                                                  ஆபத்பாந்தவனாய்!

                                             பத்தரைமாற்றுக் கட்டியாய்
                                             பதுக்கல்காரரின் பிடியிலே!
                                             கண்களைக் கூசவைக்கும்
                                             காசுக்காரரன் கழுத்துக்கள்,
                                             எது,எப்படியோ?
                                             அன்றும்,இன்றும்,என்றும்
                                             உன் மதிப்பு,உயர் மதிப்பே!

                                            பெட்டகத்திலுக்,பேழையிலும்
                                            பதுங்கியிருக்கும் போதல்ல
                                            பயனுறு தேவைக்கு-நீ
                                            பயன்படும் போது.

மாய உலகு

    
                                 மாயை இவ்வுலகு,
                                 மாய்வது உறுதி,
                                      மன ஆசைகள் மாயாததேன்?

                                      இன்னல்கள் நிறைந்ததிவ்வுலகு
                                      இறப்பென்பது உறுதி,
                                       இன்பத்தையே மனம் நாடுவதேன்?

                                      சத்தங்கள் நிறைந்ததிவ்வுலகு
                                      சாக்காடென்பது உறுதி-மனச்
                                      சந்தடிகள் ஓயாததேன்?

                                    ஆடம்பரம் இவ்வகிலம்
                                    ஆட்டம் ஓய்வது உறுதி
                                     ஆகாயம் முட்டும் ஆசைகள்
                                    பிறப்பதேன்?
                                    மனம் ஒரு?

பொங்கல் திருநாள்

                                                
                                                 பொங்குக பொங்கல்
                                                 தங்குக மங்கலம்

                                            
                                            உழவர் திரு நாளில்

                                            உவகை நிறையட்டும்!  

                                      
                                                பச்சரிசிப் பொங்கல்
                                                பால் போலப் பொங்கி
                                                பாங்கான வாழ்வு தரட்டும்
                                                நம் அனைவருக்கும்!              

புல்லை மறுத்த பூமி

                                                  
                                                    நெல்லும் ,நெடுங் கதிரும்
                                                    விளைவித்து மனித இனம்
                                                    காத்திட புல்லினைக்
                                                    களையென நினைத்துக்
                                                    களைந்திடச் சொன்னாயோ?
                                            
                                                   காயும்,கனியும்,கதிரும்
                                                   தந்து உனைக் காக்கிறேனே,

                                              கால்நடைக்குக் களையெனக்
                                              களையச் சொல்லிப்
                                              புல்லினை மறுத்தாயோ?

தன்னை அறிதல்

                          ''உன்னை அறிந்தால் நீ
                            உன்னை அறிந்தால்
                            உலகத்தில் போராடலாம்''
தன்னை அறிதலே சீரிய நெறிமுறையில் வாழ்வதற்கான சிறப்பான வழி.
கண்ணதாசனின் உயரிய வரிகள்.
                                   ''திருடனாய்ப் பார்த்துத் திருந்தாவிட்டால்
                                     திருட்டை ஒழிக்க முடியாது''
என்ற பட்டுக்கோட்டையின் வரிகள் திருட்டுக்கு மட்டுமல்ல,ஒவ்வொரு செயலுக்குமே!
                                    ''குடி உயரக் கோன் உயரும்''
ஔவைப் பிராட்டி சொன்னது.உயரிய சமுதாயம் படைக்க வேண்டுமானால் தனி மனித ஒழுங்கு வேண்டும்.ஒவ்வொரு மனிதனும் தன்னைத் தானே உணர்ந்து,சரி செய்து கொண்டாலே சமுதாயம் திருந்தும்.கண்ணதாசன் இதனை,
                                             ''தன்னைத் தானும் அறிந்து கொண்டு
                                               ஊருக்கும் சொல்பவர்கள்
                                               தலைவர்கள் ஆவதில்லையா?
என்கிறார்.

நான்காம் தமிழ்

                
                                            கன்னித் தமிழே,
                                            கணினித் தமிழ் நுட்பம் தா!
                                            கல்வி அறிவில்லாதோர்
                                            கண்ணிழந்தோர்,இனி
                                            கணினி அறிவில்லாதோரும்...

                                          வாசித்து,வாசித்து முத்தமிழை
                                          சுவாசித்துக் கொள்ளலாம்
                                          தமிழன்னையிடம்
                                          யாசித்து,யாசித்து இயல்,இசை
                                          நாடகத்தோடு இணையலாம்

                                         ஆனால்,
                                         வலைப்பூவில் விழும்
                                         வாய்ப்பில்லாவிடில்
                                         வரைகலைப் போட்டியில் மாணவரைப்
                                         பங்கு பெறச் செய்வது எங்ஙனம்?

                                         விக்கிபீடியாவின் ஆலமரத்தடியில்
                                         விழுதுகள் கூட்டுவதற்கு விருப்பம்,
                                         வியப்பால் விழி விரிப்பது தவிர

                                         வழியில்லை!
                                        
                                         விக்கிபீடியாவின் கருத்தரங்கு,
                                         இணைய மாநாட்டின் இணைவுகள்
                                         நிகழட்டும் தலை நகரங்களிலும்,
                                         பெரு நகரங்களிலும்!
                                        
                                         அவ்வப்போது பயிற்சிப் பட்டறை
                                          அமைப்பீர்,அழைத்துச் செல்வீர்
                                           அறியாப் பிள்ளைகளை மட்டுமல்ல,
                                         ஆசிரியப் பெரு மக்களையும்!

                                        தீட்டுங்கள் ஒரு சட்டம்
                                        தீந்தமிழை இணையத்தில்
                                        கற்போம்!போடுங்கள் ஒரு
                                        திட்டம்!பைந்தமிழில்
                                        பயனர் பங்களிப்பைப்

                                                 பள்ளி மாணவர் தரட்டும்!

பஞ்சமா?வஞ்சமா?

                                                
                                                  இயற்கை செய்திட்ட
                                                   வஞ்சமா?
                                                  அதனால் விளைந்திட்ட
                                                  பஞ்சமா?

                                                 பாரம் சுமக்கும் மனிதன்
                                                            இயற்கையின்வரமாய்க்
                                                 கிடைத்த தடாகத்தில்
                                                 தண்ணீர் எடுத்து-இயற்கையின்
                                                 வஞ்சத்தையும் அதனால்
                                                 விளைந்த பஞ்சத்தையும்
                                                 வெற்றி கொண்டானே!  

மனித மொட்டு

                                                                 மனித மொட்டே!
                                                                 மனம் தொட்டே
                                                                 மலர்த்தும் பட்டே!
                                                                 மடியிலே மகிழ்வோடு
                                                                 மயங்கிடுவாய்!தாலே!
                                                                 தாலேலோ!!

                                                                 பிஞ்சே! பித்தம் தீர்க்கும்
                                                                 நல் மருந்தே!
                                                                 அஞ்சுகமே!அகமலர்த்தும்
                                                                 அருமருந்தே!
                                                                 அன்பெனும் தொட்டிலிலே
                                                                 அமைதி கொள்வாய்!தாலே
                                                                  தாலேலோ!!

                                                               நெஞ்சம் நெகிழ்த்தும்
                                                               பஞ்சுப் பொதியே !
                                                               வாழ்வின் பற்றுக் கொடியே !
                                                               வளம் தரு கற்பகமே,
                                                               கற்கண்டே !கனி ரசமே !
                                                               கண்ணுறங்கு !தாலே !
                                                               தாலேலோ !

பொழுது புலர்கிறது

                       
                                                        நீல  வானின்  அடிவயிற்றில்
                                                       செந்நிற  மேகச் சிதறல்
                                                       புறப்படுகிறது  புத்தொளியுடன்
                                                       சூரியக் குழந்தை!

                                                     பொழுது   புலர்கிறது,
                                                     புலர்ந்த  பொழுது  மலர்கிறது,
                                                     மலரின்  மணமாய்,

                                                    பறவையின்  பூபாளமாய்,

                                                   
                                                  பூங்காற்றின்  வருடலாய்,

                                        பொழுது   புலர்கிறது !!!


                                       இன்பம்  தரும்   இயற்கையை
                                       இதமாய்   நுகரும்  வேளையிலே
                                       இதயத்தில்   நெருடலாய்.....
                                       இனிமை  மறைகிறது,இன்னல் 
                                       விளைகிறது.
                                       பொழுது  புலர்கிறது,
                                     
                                       செந்நிற  மேகத்தையும்
                                       சிதறடிக்கும்  கரிப்புகையாய்,

                                           ஆலையின்  கழிவுகளாய்,
                                           ஆழியில்  அமிழும்

                                           ஆண்டவனாலும்  கூட, 

                                            புலர்ந்த   பொழுதினிலும்
                                            எங்கும்  இருளே! எதிலும் இருளே!
                                     
                                          சத்தம் சூழ்  உலகினிலே
                                          சுத்தமும்   பேணுவோம்!
                                          அசுத்தத்தால்,
                                         சாக்காட்டில்  சாயும் அவனியை
                                         பூக்காடாக்குவோம்.

                                         விஞ்ஞான    உலகினிலே
                                          அஞ்ஞான    இருளகற்றி
                                          மெய்ஞான   விளக்கற்றுவோம்!
                                         இருள்   அகலும்,இதயத்திலிருந்தும்

                                         
                                             பொழுது   புலரும்,எங்கும்
                                             ஆனந்தம்  மலரும்.                                                                                    

படைப்புக் கடவுள்

                                                         
                                          பிரம்மனே,
                                         கணிப்பொறி  உண்டா
                                         உன்னிடத்தில் ?
                                         கணக்கற்ற  உருவங்களை
                                         உருவாக்கித்  தருகிறாயே!

                                         எத்தனை  கோடி  முகங்கள்-அதில்
                                         எத்தனை  கோடி  அகங்கள் !

                                         வடிவமைத்திடும்  போது
                                        வல்லவர்களையே  ஆக்கு,
                                        பிண்டங்களைப்  பிடிக்கும்போது
                                        தண்டங்களைத்  தவிர்த்திடு

                                       வாழ்வெனும்  வரம்
                                       வனப்பு மிகு   கவிதை!
                                             
                                       வரம்   தருவாயோ ?
                                       வாழ்வு   மலர்த்துவாயோ?
                                       வடிவமைக்கும்  நீயே பொறுப்பு !

மலர்

        
                                      உலகின்  அழகு
                                     அனைத்தும்    உன்னிலே!
                                      திலகம்   நீயே
                                      மணத்திலும்,மரணத்திலும்!

                                     கலக  மனதிலும்
                                     கனிவு   தோற்றி
                                     விலக  வைப்பாய்
                                     கடுமை  தனை -மனதில்
                                     விழிப்பு  நிலை  தந்து
                                     களிப்பு   தனைத்  தருவாய்!

சொட்டு மருந்து

                                                 
                                                வாழ்வெனும்    வானில்
                                                சிறகடித்துப்  பறக்க வேண்டாம்
                                                நடக்கவாவது  வேண்டுமல்லவா?

                                              வாழ்வெனும்  ஆழ்கடலில்   நீந்தி
                                              முத்தெடுக்க  வேண்டாம்
                                               குறைந்த பட்சம்  மூழ்காதிருக்கலாம்!

                                              சாதனையாளர்   பட்டியலில்
                                              சேர்ந்திடாவிடினும்,
                                              சோதனைகளாவது  வேண்டாம் !

                                            
                                             வியப்புக் குறியாக  மாறாவிடினும்
                                            கேள்விக் குறியாக மாற வேண்டாம்
                                            கேலிக்கு  ஆளாக  வேண்டாம்

           
                                              ரோமியோவாய்  வலம்  வராவிடினும்
                                              சாமியே  என  மூலையில் சாய
                                              வேண்டாம்

                                             போலியோ  சொட்டு  கொடுப்போம் !
                                             பொன்னான  வாழ்வு    அமைப்போம் !!
 

தாயகம்

                                      பாரதத்  தாயே !
                                      அந்நியரின்  தாக்குதலாலே
                                      அவதியுற  விடாது
                                      முப்படை  வீரரும்
                                      முழு மூச்சுடன்  காப்பரே!-இம்
                                      மண்ணில்  இருந்தே  உனை
                                     இன்னல்  செய்வோரை
                                     என்ன   செய்வது?

                                     நாட்டோரே    உனை
                                    நாசம்  செயும்போது  உனக்கு
                                    எங்கிருந்து  வரும்  சுவாசம்?
                                    நித்தம்   ஒரு
                                    சாதிச்  சண்டை,
                                    நாளும்  ஒரு
                                    மதக்  கலவரம்.

                                    குருதி   கொதிக்கிறது -ஆனால்
                                     கும்பிட்டு  வழி விடுகிறோம்
                                    கொலை பாதகரைக்  கண்டு

                                   உனது     உடலெல்லாம்
                                   இரண களம்-உன்னை
                                  மலரால்   வருடிவிட
                                  நீட்டிய   கைகளை
                                  மத வெறியன்  வெட்டினான்

                                 சந்தனம்    பூசிவிட
                                நீட்டிய   கைகளை
                                சாதி வெறியன்  சிதைத்தான்

                              சந்தனம் ,மலரோடு
                             குருதியும்   மண்ணில்
                             உனக்கு  அபிஷேகமாய்!
                             மாறுமா?மறையுமா?
                             மகிழ்வான  நிலை மலருமா?

                            இந்திய அன்னையே,
                            புகழ்  வடிவான  உன்னை
                            புண்ணாக்குகின்றனர்  புல்லர்கள்

                           புல்லர்களை  அழித்துப்
                           புரட்சி  செய்யும் போது தான்
                           புனிதம்  பெறுவாயோ?

மன சாம்ராஜ்யம்

 


                                     மன  சாம்ராஜ்யத்தின்  மன்னனே!

                                          ஆகாயம்  நீ -உன்னுள்ளே

                                          அகில  உலகும்  அடங்கட்டும்!

                                         கிருஷ்ணனாய்  லீலைகள்  காட்டு,

                                         கிருஷ்ண  லீலா  காட்டாதே!

                                       உங்கு உங்கென்று உன்  சங்கநாதம்

                                       முழங்கினால்,

                                       தமிழ் கூடக் கசக்கிறதே.

                                      தமிழாலே  தாலாட்டுவேன்

                                      தமிழாலே   சீராட்டுவேன்

                                      தரமாய்     வளர்ந்திடு!

                                     தமிழோடு  வளர்ந்திடு!!

                                     தன்னிகரற்று  வாழ்ந்திடு!!!

                                    பஞ்சுப் பொதியே,அஞ்சுகமே

                                   அஞ்சாமல் வாழ்ந்திடு!

                                    அஞ்சி ஒதுக்கு  ஆகாததை.

                                   ரோஜாக் குவியலே-எங்கள்

                                   ராஜா  நீ !

குழந்தைகள் தினம்

                                                         
                                                       மழலை ,மகிழ்ச்சி !
                                                       மலர்களின்  நெகிழ்ச்சி!

                                                     மழலை ,மலர்ச்சி !
                                                     மகிழ்ச்சியின்  வளர்ச்சி!

                                                   

பணி

                                           செய்யும்   தொழில் ?

                                           தெய்வமெனப்  போற்றாவிடினும்

                                           தெற்றினை  அகற்றிடுவோம்

                                            பற்றுக் கொள்வோம்  பணி மீது.

                                          எப்பணி     ஏற்றிடினும்

                                          அப்பணி   அழகாக்கு

                                          தப்பினி   நேர்ந்திடாது

                                          என எண்ணித் தயங்காது

                                          காரியமாற்று.

                                        தனித்தன்மையான  பணி

                                       தரணி  போற்றும்  பணியாகும்.