களிப்பு

                                     
                                  அலை அலையாய்ப் பசுமையை
                                  ஆக்கித் தந்திடவே நடக்குது ஆக்கப்பணி!
                                  அற்புதமாய்ப் பல எந்திரம் வந்தாலும்
                                  ஆக்கப் பணி நடக்குது அழகுக் காளைபூட்டி
                                  அகிலம் முழுதிற்கும் அன்னமிடவே
                                  ஆக்கப் பணி நடக்குது அற்புதமாகவே
                                 கணிப் பொறி  யுகமாய்  இருந்தாலென்ன ?
                                 காளை  பூட்டி  உழும் காட்சி  களிப்பே!
                                                                      களிப்பே! களிப்பே !

தூரத்தில் வெளிச்சம்

                                              இதயக் குகையின் ஒளி
                                              இமயம் தாண்டியதா?
                                              இந்தியம் கடந்ததா?

                                              விந்தியம் தாண்டியதா?
                                               வீழ்ந்துபட்டுப் போகுமா?இல்லை
                                              வீறு கொண்டு தான் எழுமா?

                                               அரபியைத் தாண்டிடுமா?
                                               ஆழிப் பேரலையில் அமிழுமா?
                                              அலை கடலைக் கடக்குமா?

                                              தூரத்தில் வெளிச்சம் !
                                              கலங்கரை விளக்கம் !!

அன்பெனும் ஆற்றல்

                                                அகிலத்தையே ஆளும்
                                                அருள்  நிறை  சக்தி
                                                அழகிய  குடுத்பத்தின்
                                                அஸ்திவாரமாய்  அமைவது
                                                அருமையான  அகத்தின்
                                                 ஆத்மார்மாத்தச்  சொல்

                                                அக  வெள்ளத்தினிலே
                                                அழிவினைத்   தடுக்கும்
                                               அணைக் கட்டு
                                               மன   மாளிகையினை
                                                வனமாகாது  காக்கும்
                                              தனம்  தரு  சக்தி

                                             நெஞ்சம்   என்கிற
                                             நினைவகத்திலே
                                             வஞ்சத்தை  வீழ்த்தி
                                             வளம்  சேர்ப்பது
                                              உள  உணர்வுதனை
                                             உன்னதமாக்குவது

                                           

நித்தமும் பௌர்ணமி தான்

                                        சாதனை புரிந்து விட்டோம்
                                        சந்திராயன் அனுப்பி விட்டோம்
                                        சந்திரனை என்றோ தொட்டோம்-இனி
                                        நித்தமும் பௌர்ணமி தான்!

                                        பண்டைய பழக்கம் விட்டோம்
                                       கண்டங் கடந்து விட்டோம்
                                       அண்டமும் கடந்து விட்டோம் -இனி
                                       நித்தமும் பௌர்ணமி தான்!

                                       மருத்துவம் வென்று விட்டோம்
                                       பொறியியல் வென்று விற்றோம்

                                       வல்லரசா ? நல்லரசா ?
                                        நித்தமும் பௌர்ணமியா?

பங்கு

                                         உலகமெனும் நாடகமேடையில்
                                          எல்லோருக்கும் பங்கு

                                        நாயக நாயகியர்களாய்
                                       நலமிகுந்த தம்பதியர் பங்கு

                                    மகிழ்வூட்டும் பாத்திரமாய்
                                    மழலையர் பங்கு

                                         அச்சமூட்டும் வில்லன்களாய்
                                         அரசியல்வாதியின் பங்கு

                                        நடிப்பிலொரு நடிப்பாய்
                                       நடிகர்களின் பங்கு

                                        நகைச்சுவைப் பாத்திரங்களாய்
                                        பைத்தியங்களின் பங்கு-இங்கு

                                       நல்லது செய்திட எண்ணுவோரெல்லாம்
                                       நகைச்சுவை நாயகர்களாய் !

தடம்

                              
                                      அறிவு பூர்வமாக கவி பல
                                       ஆக்கிட ஆசையுண்டு
                                     இலக்கிய நயமொடு கவிபல
                                         இயற்றிட இச்சையுண்டு
                                     சொல்வளத்துடனே கவிபல
                                          சொல்லிடும் எண்ணமுண்டு

                                     செம்மையுறு கவிதை சொல
                                            சொல் வளமுமில்லை
                                     இனிமையுறு கவிதை இயம்ப
                                            இலக்கண அறிவுமில்லை
                                      அறிவுறு கவிதை ஆக்கும்
                                             ஆற்றலும் எமக்கில்லை

                                   அனுபவம் மட்டிலுமே
                                           கவிதை சொல்லிடும்
                                   ஆவலைத் தூண்டிடுதே!
                                  தங்கக் கவிப்பாதையின்
                                   தடம் செல்லாவிடினும்
                                     தரிசனம் மட்டும் போதும்!!

மணம்

                                    
                                              பூவின்  மென்மை
                                             பூவையர் தன்மை
                                             மலரின் சுவாசம்
                                             மழலையர் ஸ்பரிசம்

                                          
                                       மண்ணின் மணக்கும்
                                       மடியின்  மீதினிலே
                                       மயக்கும்  நதிமங்கை

                                                  இதயத்தை இழுக்கும்
                                                  இயற்கை   இன்பம்

                                                 இத்தனையும் இவ்வுலகில்
                                                 இருந்திடினும்
                                                 இயந்திர வாழ்வினில்-மனம்
                                                 இன்னலுறுவதேனோ?

முத்தும் ,கிளிஞ்சலும்

            
                                                முத்தே ,
                                                 சிப்பியின் வயிற்றினிலே
                                                 நன்னீராய்க் கருக்கொண்டு
                                                 மென்மையான பூவையரிடம்
                                                 மேன்மைமிகு அணிகளாகிறாய் !

                                                   கிளிஞ்சலே ,
                                                   மலிவாகக் கிடைத்தாலே
                                                   மதிப்பில்லை போலும் !
                                                   கடற்கரை மணலிலே
                                                   கணக்கற்றுக் கிடக்கும் உன்
                                                   கலையம்சம் கரையோரக்
                                                   கடைகளிலே !

இறை

    

            
                                     எங்கும்  நிறைந்த  இறையே  போற்றி!
                                     தங்கும்  மங்கலம்  தருவாய்   போற்றி!
                                     மங்கா    செல்வம்  மனம்போல்  தந்து
                                    நீங்கா   இன்பம்  நிலை பெறச் செய்வாய்!!

பெண்

                                             அறிவு ,அழகு

                                             
                                                 ஆக்கம்  ,ஆற்றல்

                                 

                                                  இனிமை ,இரக்கம்

                                                   ஈகை ,ஈணல்

                                              
                                                உயர்வு ,உற்சாகம்

                                      
                                              ஊட்டம் ,ஊக்கம்

                                               எளிமை ,எழுச்சி

                                             ஏற்றம் ,ஏற்புத்திறன்

                                            ஐஸ்வர்யம்,ஐயம் போக்கல்

                                           ஒழுக்கம் ,ஒற்றுமை

                    
                                         ஓங்கு புகழ் தரும்
                                         ஔடதம் அவளே
                                        அழகிய வாழ்வுக்கு!

மின்னல்

                                    கார்முகில் உனைப்
                                    பிரசவிக்கு முன்பு வலியால்
                                    கத்துகிறதோ,
                                    இடியாய்!

                                   கருமுகிற் கூட்டமிரண்டு
                                   கலந்திட்டுப் பிறந்திட்ட
                                  வெண்மைக் குழவியே!

            
                                           தோன்றிய உடனேயே
                                           தொலைந்திட்டாலுங் கூட
                                           தொல்லைக்குள்ளாக்குகிறாயே !
                                       
                                           உன்னெழில் காண விழைந்தால்
                                          கண்ணில் என்றுமே இருள் !
                                          வானத்தில் உன் வெட்டெனில்
                                          பூமியிலும் மின் வெட்டு !

                                         எங்கும் இருள்!

      
                                  இருளைக் கிழித்து வந்து
                                  இதம் தரும் மழையின்
                                  இனிய அறிவிப்பென்பதால்
                                  இன்பம் உன்னாலே!

உதிரும் விண்மீன்

                                    
                                           வான வெளியின் வடிவழகு
                                           உனைக் கவரவில்லையோ !

                                          கலகலக்கும் கூட்டத்திலே
                                          கலக்காது உதிர்ந்திட்டாய்!
  

விரிவானில் ஒற்றைப் பறவை

                                                அகண்ட பிரபஞ்சத்திலே நீ
                                                அனாதையாய்ப் பறப்பதேனோ?

                                                கூட்டத்திலே சிக்கிட்டால்
                                                கூண்டில் அடைப்பார்கள்
                                                என்றெண்ணித்
                                                தனித்துப் பறந்தாயோ?

மின்மினி

                      
                                                   மேகக் கூட்டத்திலே
                                                   முகிழ்க்கும் மின்னலுக்கு
                                                   மகத்துவம் உண்டெனில்
                                                   இருட்டிலே சிறகடித்துச்
                                                   சிதைந்திடும் உனக்குமுண்டு!

பூபாளம்

                                            மரகதப் பச்சையில் -மஞ்சள்
                                            புஷ்ப ராகங்கள்.

                                            மரகதப் பச்சைக் கம்பளத்திலமர்ந்து
                                            மஞ்சள் புஷ்பங்கள் ராகமிசைக்கிறது

                                              கம்பளத்தில் அமர்ந்த அழகுப்
                                               பவளங்களின் ராகமும்
                                             பார்ப்பதற்கு ரம்யம்.ஆம்
                                             இந்த ராகம்
                                             பார்ப்பதற்கு ரம்யம்

                                            அழகிய மரம் -இறை
                                            அளித்த வரம்!

வயல்

                                        
                                               பண்பை அழிக்கும்
                                               களை அகற்றி,
                                               பாசம் போக்கும்
                                               களை அகற்றி,
                                               நாசம் செய்திடும்
                                               களை அகற்றி,

                                          
                                           அகம் அரித்திடும்
                                           களை அகற்றி,
                                           அழிவு தந்திடும்
                                           களை அகற்றி,

                                
                                         அன்பு நிலத்தினிலே
                                         பண்பு விதை ஊன்றி
                                        பாசப் பயிர் வளர்த்து
                                         பண உரம் தூவினால்
                                        
                                       ஞான மகசூலினை
                                        நாளும் பெறலாம்!

கவிதை

                                                  வண்ண வண்ணக்
                                                   கனவுகளைத் தோற்றுவது

                                                   எண்ண எண்ண
                                                   இனிப்பதாக இருப்பது

                                                   சின்னச் சின்ன
                                                   வார்த்தைக்குள்ளும்
                                                   ஜீவனிருக்கும் ,
                                              
                                                   இதயத்திலிருந்து கிளம்பும்
                                                   இன்பக் கவிதை !

அன்பு

                                                         கொப்பளித்துக்
                                                         குமிழியிடுகிறது,
                                                         தி
                                                         வ
                                                         லை
                                                         க
                                                         ளா
                                                         ய்
                                                         அகமெனும் ஆழியில்!

கம்பீரம்

                                            
                                        காட்டுக்குக் கம்பீரம்
                                        காட்டரசன் கர்ஜனை
                                        நாட்டுக்குக் கம்பீரம்
                                        நல்லதொரு ஆட்சி

                                    வீட்டுக்குக் கம்பீரம்
                                    விளக்கேற்ற வந்தவளாலே
                                   வந்தவளின் பெருமிதம்
                                   வாய்த்தவளின் கம்பீரத்தாலே!
                                  
                                   வாய்த்தவனின் கம்பீரம்
                                   வாழ்க்கைக்கு வளம் சேர்ப்பதாலே!
                                   வளமான வாழ்க்கையே
                                   சமுதாயத்தின் கம்பீரம்

                                 சமுதாயச் செழிப்பே
                                 நாட்டுக்குக் கம்பீரம்
                                ஔவை சொன்ன குடிஉயரக்
                                கோன் உயர்தல் போலே

                                ஒன்றன் கம்பீரம்தான்
                                மற்றதற்கு அடித்தளம்
                               அடித்தள பலத்தால்
                               அ.ழகான இல்லமமையும்
                               அழகிய இல்லத்தின் தேவை

                               அன்பான உள்ளமே!