கல்லூரி

                                       கல்விக் கூடம்   பலருக்கு,
                                       களியாட்டக் களம்   சிலருக்கு

                                       எப்படியோ,

                                       வாலிபப்     பறவைகளின்
                                       சுகமான    வேடந்தாங்கல்!

அஞ்சல்வழிக் கல்வி

                  
                                       சந்தர்ப்பம் நழுவியவர்களின்
                                       சங்கடம் போக்கிடும்
                                       சமய சஞ்சீவியே!


                                      பட்டங்களாகப்  பலரிலும்
                                      பணமாகப்   பலரிலும்
                                      பட்டறிவாகச்  சிலரிலும்
                                      பரிமளிக்கிறாய்!


                                      இந்த  அ.வ.வுக்காக
                                      மு.வ. அவர்களுக்கு
                                       அகம் கனிந்த நன்றி!

வரம்

                     

    பூக்களின்                          

    கருவறை உமது

    பிறப்பிடமோ?

    புன்னகை அதரம் உந்தன்

    சிறப்பிதழோ

      அழகிய வதனம் உந்தன்

      ஆயுசு பரியந்தம்

      உந்தன் பிறப்பே

      எந்தன் சிறப்பு !

      உமது தரம் –இறைவன்

      எமக்களித்த வரம்

.

                     

    

அன்பு,

    அந்த அற்புத ஆற்றலின்

     அழகிய பரிமாணமே,அன்னையே!

இரக்கமே,

      இனிய அன்னையின் இதயப்பிறப்பே,

      ஆதர்ச அன்னையின் அருட்சுரப்பே,

கருணையே,

      காக்கும் அன்னையின் கண்ணிலே

        கனிவெனக் கரைந்து மறைந்தாயோ?

பரிவே,

      பாரில் எங்கோ உதித்திட்டு

        பாரதம் சேர்ந்திட்டது புண்ணியமே!

   தவமும்,யோகமும் நீர்      தனியாய்ச் செய்திடவில்லை-உமது

   
  கர்ம யோகத்தினாலே

  காளி நகரமே கண்ணியமானதே!
    தாய்மையிலே இறைமையாம்

   இறைமையே தாயாக வந்திங்கு

    தன்னிகரற்று விளங்கியது.

     ஆன்மீகவாதிகளின் ஆயிரமாயிரம்

      அறிவுரைகள் எல்லாம்-உந்தன்

    அறப்பணியின் முன்னாலே சற்று

       மாற்றுக் குறைவு தான்.

      நோபல் பரிசால் உமக்குப் பெருமையா?
       நிச்சயம் இல்லை

     உம்மால் தான் அப்பரிசே உயர்ந்தது

       

சுகம்

                                    ஆசிரியத் தொழில் -ஆஹா
                                     எத்துணை அழகானது?
                                 
                                     தொழிலா இது ?- இல்லை
                                     தவம் ,தியானம் ,யோகம்

                                     ஆசிரியரைப் பார்க்கையில்
                                      அகம் மகிழ்கிறதென்றால்

                                      ஆசிரியராய் இருக்கையிலும்
                                      அகம் குளிர்கின்றது.

                                     ஏறி வந்த ஏணியினை
                                     எண்ணிப் பார்ப்பதொரு சுகமெனில்,
                                     ஏணியாய் நிற்பது கூட
                                     எந்நாளும் சுகமே!

                                      

அம்மா

                                            எனக்கு உயிர் கொடுத்தவள்

                                           தனக்கு ஏதும் எடுத்திலள்
     
                                           எண்ண எண்ண இனிப்பவள்

                                          எண்ணம் முழுதும் நிறைந்தவள்

                                           நாளும் நம்மைக் காப்பவள்

                                          நலமே என்றும் தருபவள்

                                          தன்னிகரில்லாதவள் என் தாய்

                                         தரம் உயர்ந்த அவளின் சேய் நான்!

இந்தியன்

இந்தியன் என்று பெருமை கொள்வோமடி!

•            பாரத நாட்டின் அஞ்சல்துறை தான் உலகத்திலேயே மிகப் பெரிய அஞ்சல்துறை.
• உலகிலேயே அதிகம் பால் உற்பத்தி பாரதத்தில் தான்.
• வைரங்களுக்குப் பட்டை தீட்டுவதிலும்,ஏற்றுமதி செய்வதிலும் உலகிலேயே முதலிடம் பாரதத்திற்கே.
• சிமென்ட் உற்பத்தியிலும் முதலிடம் பாரதத்திற்கே.
• தேயிலை உற்பத்தியிலும் முதலிடம்.
• உலகின் மிகப் பெரிய வங்கிக் கிளைகள் பாரதத்தில் தான்.
• உலகிலேயே முதலாவது பெண் விமான ஓட்டியை 1966ல் நியமித்தது இந்தியன் ஏர்லைன்ஸ் நிறுவனம்.

                                                -விவேகானந்தா கேந்திர வெளியீடு..

வையம் வாழ வாழ்

     
                                  வையம் வாழ வாழ்ந்திட நினைத்திருந்தால்
                                  வந்திருக்காதே இந்த சோகம் யாவும்
                                  கம்பீரமான இரு கட்டிடங்கள்
                                  கற் குவியல்களாய்!

                                  சகித்திட முடியாத சாக்காடு
                                  தீர்த்திட முடியாத தீவிரவாதம்
                                  அணுகுண்டுகளின் ஆக்கம்
                                  அகிலம் முழுவதுமே அதன் தாக்கம்

                                   எல்லோரும் நலம் பெறவேண்டும்
                                                                         என எண்ணியிருந்தால்
                                   ஏனிந்த அழிவு?

                                   அன்போடு வாழும் ஆவல் கொண்டால்
                                   அவனியில் ஏனிந்த அழிவு?
                                   அன்றைய நாளில்,மரணம் வந்தது
                                   காலராவாய், அம்மை நோயாய்
                                   ஃப்ளேக்காய் ,எலும்புருக்கியாய்
                                  அனைத்தையும் தடுத்தோமே-நம்
                                   அறிவியல் ஆற்றலால் !

                                  அணுகுண்டு ஆற்றலால்
                                   அள்ளிக் கொடுக்கின்றோம்
                                  மரண தேவதையின் மடியே
                                  நிரம்பி வழிகின்றது.
                             
                                 தீவிரவாதம் புரியும்
                                 தீயவர்களைத் தீயிலிடுங்கள்
                                 மதவாதத்தால் மாய்ந்திடும்
                                  மடையர்களை மண்ணிலிடுங்கள்

                                களங்கம் புரியும் கயவர்களை
                                 காற்றோடு கலந்திடுங்கள்
                               அட்டூழியம் புரியும் அற்பர்களை
                               ஆகாயத்திற்கு அனுப்புங்கள்

                               நாசம் செய்யும் நீசர்களை
                               நீர்ப் பெருக்கிலிடுங்கள்.
                               பஞ்ச பூதமும் பங்கிட்டுக் கொள்(ல்)ளட்டும்
                               பகையாளிகளை,பின்னர் நம்
                               அன்னை பூமி
                               அழகின் வடிவமாகட்டும்,
                               அன்பிலே தோயட்டும்
                                வையம் வாழ்ந்திடட்டும்
                               நாமும் வாழ்வோம் !
                               நலமாய் வாழ்வோம் !!

விஞ்ஞானச் சுடர்

பூக்களின் புன்னகை

                                                   மழலைகளின் மலர்ச்சி
                                                   பூக்களின் புன்னகை.

                                                அன்பானவர்களின் அழகு
                                                 பூக்களின் புன்னகை.

                                                     மென்மையானவர்களின் இளநகை
                                                      பூக்களின் புன்னகை

                                                   மேன்மையானவர்களின்
                                                   குறு நகையும்
                                                    பூக்களின் புன்னகை

                                                   புனிதமானவர்களின் பூரிப்பு
                                                   பூக்களின் புன்னகை!

கல்வியின் சிறப்பு

                        பாடம் நல்லா படிக்க வேணும் சின்னக்கண்ணு
                        படிச்சு நாளும் உயர வேணும் செல்லக் கண்ணு

                       பள்ளிக் கூடம் கோயில் தானே சின்னக்கண்ணு
                       ஆசிரியர்கள் தெய்வங்களாம் செல்லக்கண்ணு

                       பண்பாலே நாளும் உயர சின்னக் கண்ணு
                       பக்குவமாய் நீயும் பழகு செல்லக் கண்ணு

                       எந்நாளும் நலம் பெறவே சின்னக் கண்ணு
                       ஏற்ற படிப்பை நீ படித்திடு செல்லக் கண்ணு

                      அன்பு தானே அரிச்சுவடி சின்னக் கண்ணு
                      அருமைக் கல்வி தானே அதையும் தரும்
                                                                           செல்லக் கண்ணு

                     உயர் படிப்பு நீ படித்தால் சின்னக் கண்ணு
                     உலக நலமனைத்தும் பெற்றிடலாம்
                                                                       செல்லக் கண்ணு!

உணவே மருந்து

                                       உணவே மருந்து
                                       ஆம் ! மருந்தே உணவு
                                       வண்ண வண்ண மாத்திரையாய்
                                       மட்டுமல்ல,

                                      
                                       வகை வகையான காய்கறியாய் !

                                  வனப்பான புட்டியில் கோக்காய் !

                              வண்ண வண்ண வடிவினில் கேக்காய் !

இயற்கை அழகு

                                        காலை வானத்தின்
                                        ஆரஞ்சுக் கதிர் அழகு ,

                                          மாலை வானத்தின்
                                          மங்கிய நிலவொளியும் அழகு ,

                                     பகல் நேரப் பொழுதின்
                                     பரிபூரண வெளிச்சம் அழகு ,

                                    இரவு நேரப் பொழுதின்
                                    இதம் தரும் தென்றலும் சுகம்.

மழலை

                                       மகரந்தமே
                                      
                                       மலர்ப் பந்தாய் ! மழலை!!

வதந்தி

                                           கோஹினூர் கிடைத்ததாலே
                                           கரிக் கொட்டைகளின்
                                           விமர்சனங்களால்
                                           கலக்கமுறுவதில்லை-ஆனால்
                                           கவலையுறுகிறது மனம்.

மடலிடன் தொடர்ச்சி

                           அம்மாவை வணங்கி ஆசி பெற்றோம்-நம்
                            அன்புத் தோழி குறித்த அமுதமொழி
                            சொல்லுவோம்
                           அவரின் மனம் தனை வெல்லுவோம்

                           ஆம்,இவர்கள் நம்

                          அன்பான தோழி,அருமையான தோழி
                           இன்பம் தரு தோழி,ஈகை நிறைந்த தோழி
                           உயர்வான தோழி,ஊக்கம் தரு தோழி

                          பிருந்தாவனமெனும் நந்தவனத்திலே
                           திளைத்த நட்புமனம் இவருடையது
                          விக்டோரியா மகாராணியாய் தஞ்சம்
                          தந்த தங்க மனம் கொண்ட நட்புமுண்டு
                          அமிர்தமென சுவை தரும் அழ்ந்த
                          நட்பும் இவருக்குண்டு

                         சிலர் பேசினாலே
                          அகம் தளரும்,இவருடன் பேசினாலோ
                          அகம் மலரும்-நம் அகம் மலர்த்தும்
                          அரிய பணியை அழகாய்ச் செய்தார்

                         இன்பமாய் இருந்திடல் வேண்டும்
                          இனிமையோடு பழகிடல் வேண்டும்
                         வள்ளுவரின் வாய்மொழியான
                        ''கனியிருப்பக் காய் கவர்ந்தற்று''இது
                         உந்தன் அமுதமொழியல்லவா?

                         உங்கள் மொழிகள் எங்கள் பலரின்
                         மனப் புண்ணுக்கு மருந்து
                        தங்களின் ஞானமொழி சிலரின்
                        அகக் கண்ணுக்கு மருந்து

                        இனிமை விரும்பும் இவரின் மனம்
                         என்றும் இளமைதான்
                        மனதாலே என்றும்
                        மார்க்கண்டேயராக இருக்கும்
                       உங்களுக்குக் காலம்
                       கொடுக்கிறது கட்டாய ஓய்வு

                         ஞானத்தால் நற்குடும்பம் அமைத்தீர்
                        பொறுமையினால் உயர் பரிசு பெற்றீர்
                        உங்கள் ஓய்வுக்காலம் சிறப்புற
                        வாழ்வு வளமுற,யாவும் நலமுற
                        எங்கள் பரம தகப்பனே அவர்களுக்கு
                        அருள் தாரும்!

பிரிவுபசார மடல்

                                        துணையது வாய்வருந்தூய நற்சோதி

                                        துணையது வாய்வருந்தூய நற்சொல்லாந்

                                        துணையது வாய்வருந்தூய நற்கந்தம்

                                        துணையது வாய்வருந்தூய நற்கல்வியே-

                                        திருமந்திரம் தனைச் சொல்லி

                                        தூய நற்கவிதை சொல்லிடுவோம்.

                                        எம் பள்ளி தமிழாசிரியர் சந்திரா

                                       அவர்களுக்கு,

                                      

                                         தேய்ந்து வளரும் தன்மை

                                         வான் நிலவுக்கு உண்டு

                                          தமிழ் நிலவே,

                                         தேய்வென்பதே இல்லை எனும்போது

                                          ஓய்வென்பது எதற்கு?ஆம்

                                         உந்தன் பணிக்கல்ல ஓய்வு,

                                         அகவையின் அதிகத்தால் மட்டுமே.

                                       விடுப்பை வீண் செய்ய விரும்புவோமா?

                                        விருப்பத்தோடு விடுப்பைக் கூட

                                       வீணாக்கியவருக்குக் காலம் மட்டுமே

                                       கொடுக்கிறது கட்டாய ஓய்வு!

                                       என்றைக்கோ படித்த மாணவியும்

                                       இன்றைக்கும் ஓடிவருவாள்

                                        அம்மாவென்று!(தமிழ்ப் பரிசு)

                                     அவர்களுக்கு மட்டுமல்ல

                                      இங்குள்ளோர் அத்துணை பேருக்கும்

                                       அம்மா,அன்பான அம்மா!

                                      பண்பான அம்மா!

                                      நட்பிற்கோர் நல்லிலக்கணம்

                                      வகுத்து விட்டுச் செல்கின்றீர்-இது

                                      குழு நடவடிக்கையாய்க் கூட

                                       இருந்து விட்டுப் போகட்டுமே-அதனால்

                                       குழப்பமென்ன?

                                       அன்பு பகிரும் அகங்கள் 

                                        குழுமிக் குதூகலித்தல்

                                       இயல்பு தானே?

                                      அருமையாய்ப் பணி செய்தீர்

                                      ஆற்றலோடு பணி செய்தீர்

                                      இன்பமொடு பணி புரிந்தீர்

                                       ஈகையொடு நலம் செய்தீர்

                                      உவகையொடு பணி செய்தீர்

•                               ஊக்கமொடு பணி புரிந்தீர்

                                      எந்நாளும் பணி செய்தீர்

                                      ஏற்றமொடு பணி செய்தீர்

                                      ஐயம் நீக்கும் தொழில் செய்தீர்

                                      ஒற்றுமையோடு இயைந்து

                                      ஓங்கிய வாழ்வு நீவிர் பெற

                                       ஔடதமில்லா வாழ்வு பெற்று

                                        உயர் வாழ்வு வாழ

                                      இறையின் பேராலே

                                        வாழ்த்துகிறோம்!

நீக்கல்

                                    கல்லானாலும் சரி,
                                    புல்லானாலும் சரி,
                                    வேண்டாத பகுதிகளை
                                    நீக்க,நீக்க சிற்பம்
                                    அகப்படும்!
                                    அகமும் வசப்படும்
                                     ஆகாததை நீக்க!!

மலர்ந்த மனம்

                                             உலர்ந்த உள்ளம்
                                             உவகை கொள்ளாது
                                             உலகையே கொல்லும்

                                             தளர்ந்த நெஞ்சம்
                                             தாழ்வுற்றே வாடி,
                                             தகாததைச் செய்யும்

                                             மலர்ந்த மனமே
                                             மகிழ்வால் என்றும்
                                             மகத்துவமே செய்யும்

                                             உயர்ந்த உள்ளம்
                                             உவப்பாலே என்றும்
                                             உலகையே வெல்லும்

                                           அன்பான அகங்கள்
                                           அல்லதை விடுத்து
                                           நல்லதையே செய்யும்

                                        கனிவான உள்ளம்
                                        காலம் கடந்து
                                        காசினியை வெல்லும்!     

வரமா?சாபமா?

                                             பணி புரிதல் பெண்களுக்கு
                                             வரமா?சாபமா?
                                             பட்டி மண்டபத் தலைப்பு
                                             போலுள்ளதா?

                                              வாழ்வுப் பாதையை
                                               வளமாக்கிட வரம்!
                                              வந்த இடத்திலே சங்கடம்
                                              வந்தால் சாபம் !