இது,
வெற்றுச்சொல்-இணையத்தினாலே
வெற்றிச் சொல்.
இது வெறும்
வார்த்தை-இணையத்தினாலே
இது,வாழ்க்கை.
உலகியல் தந்திடா நிறைவை
உலவிகள் தந்திடுது.
பழகப் பழகப் புளிக்கிறது
பக்கத்திலிருக்கும் நட்பு
பார்க்காமல் பேசுவது கூடப்
பிடிக்கிறது,பண்பான நட்பு!
பிரபஞ்சம் கைக்குள் அடக்கம்
பிரச்சனையும் கணினிக்குள்
அடக்கம்,எதில் இல்லை?
அஞ்சல் தலையில்லை
முத்திரையில்லை,
அடுத்த நொடியில் கடிதம்
அகிலயெல்லையில்!
அகம் காட்டுகிறது!
வாழ்க்கை வழிகள்?
வலையில் விழ,விழ
வாழ்வின் எல்லைகள்
விரிகிறது........
இவையெல்லாம் இணையம்
தந்திடும் இமயவசதிகள்
கணினி செய்யும் விந்தை?
கணக்கிலடங்காது
இணையத்தின் இதயம்
கணினி,
கணினியின் கால்கள்
இணையம்.
இணைய இணைப்புக் கொடுத்து
விட்டால்,
இகத்தின் வாசல்கள் திறக்கிறது.
No comments:
Post a Comment