Friday, June 3, 2011

ஆற்றல் மிகு கவிஞன்

                                                     
                                    இயற்கையான  ஆற்றலென்று
                                    இன்னமுதக்  கவி  இயம்பிய பின்
                                    பேர் அரசின்  பெருமை  பாடும்
                                     பேறு   உண்டா   எனக்கு?

                                    உந்தன்  நூல்களை  வாசிக்க,வாசிக்க
                                    எந்தன்  இதய  வானில்-நாளும்
                                     வைகறை   மேகங்கள் தான்!

                                    சகோதரா,உங்கள்
                                    மௌனப்பூ  பேசிய மழலை தான்
                                    எந்நாளும் என்னுரைக்கு  முன்னுரை!
                                 
                                    கறுப்பு  நிலாவைப்  பாடாமல்-வகுப்பில்
                                    கவிக்கோ  இளங்கோவின்  சிலம்பைச்
                                    செப்பியதில்லை!

                                    கற்பொன்றில்  மட்டும்   கண்ணகியைப்
                                    போலிருங்கள்,
                                    மற்றவற்றில்  அந்த  மடமகளை
                                    மறந்திடுங்கள்.

                                  வகுப்பறையில்  பிள்ளைகளைக்
                                  கூட்டாகச்  சொல்லச் சொல்லி
                                  குதூகலித்திருக்கிறேன்! 

                                 அலைகளை  தகுந்த  உரைகளாக்க
                                 தங்க கவி மகன்  உனையன்றி
                                தரணியிலே  யாருண்டு?

                                ஊசியை  ஒற்றுமையின்  சின்னமாக்கிய
                                உன்னதக்  கவியே!உயர்ந்தாய்  நாளும்  நீ,
                               
                                மழலை தனைக் கையிலெடுத்தால்
                                மகிழ்வோடு  சொல்லலாம்-ஆம்
                               பருத்து  விழுந்த  பரிசுச்  சீட்டே!
                               களஞ்சியம்    தான்  கண்மணியும்,
                              கவிதையைப்  போலவே!

                              ஆறாம் முறை விருது பெற்ற
                              ஆற்றல் மிகு கவிஞனே!
                               வாழிய பல்லாண்டு!!
                                

Wednesday, June 1, 2011

இனிமை







                                     
                                           
                                             
                                               மழலை     இனிமை
                                                மலரும்     புதுமை
                                                மண்ணுலகு   இனிமை



                                                தென்றல்    இனிமை
                                                தெம்மாங்கு   இனிமை
                                                தேனுலகு     புதுமை



                                               விண்ணும்   புதுமை
                                               விடியல்      இனிமை
                                               வியனுலகு  இனிமை



                                                இயற்கை    இனிமை
                                                இகமே      புதுமை
                                                இன்னுலகு   இனிமை


                                                இன்னுலகினையே
                                                இணைக்கும்  பாலமாம்
                                                 கணினிதான்  புதுமை-அதில்
                                                இணையம் தான்   இனிமை!





வாழ்வின் எல்லை






                               மனதிற்கு   எல்லையுண்டா?
                               மண்ணுலகு   கடக்கும்.

                               அகத்தின்   ஆற்றலுக்கு
                               எல்லை    எது?

                                உளத்தின்   ஊற்றுக்கண்ணுக்கு
                                எல்லை     ஏதேனும்?
                                பாதாளம்    பாயுமோ?

                                மண்ணுலகு    கடந்தாலும்
                                ஆகாயம்    தாண்டினாலும்
                                பாதாளம்    பாய்ந்தாலும்
                                வாழ்வின்   எல்லை?

Tuesday, May 31, 2011

காக்கைக்கும்....


                                                உணர்வுகளின் வடிகால்
                                                உன்னதமான எழுத்து
                                                 உருகச் செய்திடும்-அத்தகு
                                                உயரிய படைப்பு .

                                                சிந்தனைச் சிற்றுளி கொண்டு
                                                செம்மையுறச் செதுக்கினாலே
                                                வளமான வடிவமது
                                                வனப்புறவே உருவாகும்.

                                                 தனிமையிலே இனிமை
                                                 காண முடியுமா?-முடியும்
                                                 கவித் தவம் செய்திடவே
                                                 தனிமை தேவை.

                                                வீட்டிலே சிறகடித்தால்
                                                விபரீதம் விளைந்திடும்
                                                வகுப்பறைச் சிறகடிப்போ
                                                வம்பிலே தான் முடியும்


                                              இயற்கையின் மடி
                                              இனிமைக்குப் படி,
                                               அந்த அமைதியிலே
                                              சிந்தனைச் சிறகிற்கு
                                             இறகு முளைக்கும்!

                                              கருத்துக் கோவை
                                             கவிதையாகுமிடமிதுவே-இதில்
                                             சிறப்புறு கவிதைகள்
                                             தோன்றா விடினும்
                                             சிக்கலான சிந்தனைகள்
                                             தோன்றாது

                                            வனப்புமிகு வார்த்தை
                                             அலங்காரமில்லாவிடினும்
                                           வளம் குறைந்திட்டு
                                            வருத்தம் தோற்றாது

                                            ஏற்றம் மிகுந்த எழுத்தாக
                                           இல்லாவிடினும்-நான்
                                            ஈன்றவை  எனக்கு
                                            பொன் குஞ்சுகளே....